SON UN TROGLODITA!

 Ola nenas e nenos!!

Aquí estamos de novo...

Hoxe a nosa proposta é que vos convirtades en TROGLODITAS!

Esta semana imos decorar a nosa porta con corpiños cavernícolas que pintaremos na clase. Vós tamén podedes facelos na casa e, cando voltedes ao cole, traelos para engadilos á nosa "cova"


Na parte de abaixo desta publicación tedes un enlace para obter o/a cavernícola

COMO FACELO??

- Coloreade as pernas, brazos e o mazo que leva na man

- A roupa decorádea como queirades. A que faremos na clase deixarémola de cor branca e poñerémoslle pegadas marróns ou negras cos dediños. Pero, non vos preocupedes se non tedes témperas na casa, seguro que vos queda preciosa co que decidades facer

- A cabeza non é necesario que a coloreedes porque imos recortala e substituíla pola vosa foto. Tamén, con lá de cor negra, faremos unha melenaza moi prehistórica :)


SON UN TROGLODITA (pincha aquí para imprimir a ficha do troglodita)


Botámosvos moitísimo de menos!!


Comentarios

Publicar un comentario

Publicacións populares deste blog

ANIVERSARIOS

Imaxe
  ANIVERSARIOS Hoxe cumpren 4 aniños HUGO e JULIA!! Con JULIA celebramos pola mañá o seu aniversario na clase. Soprou a nosa tarta e cantámoslle as cancións de aniversario.  Como  eramos pouquiños, berramos moito! 🎵😀🎵 E o seguinte enlace vai dedicado a HUGO, para que saiba que aínda que hoxe non puidemos cantarlle o "Cumpleanos Feliz",  prontiño o faremos PARA TI, HUGO, ESTA CANCIÓN... A vindeira semana, que tamén cumpre XOEL, celebraremos en condicións  todos os aniversarios de marzo! 👏🏽👏🏽👏🏽 ................................. E xa que estamos festexando... Aquí abaixo vos deixo unha fichiña cunha tarta para que lle poñades tantas candeas como aniños teñades. Podedes coloreala, debuxarlle as candeas ou facelas con churriños de plastilina. Non vos esquezades de escribir o voso nome  e o número de aniños que tedes.  Seguro que o facedes fenomenal!!! TARTA Se non tedes impresora, mamá ou papá pode debuxar unha tarta nun folio e listo! FELICIDADES ...
Ler máis

DÍA DO AMOR

Imaxe
  14 DE FEBREIRO - DÍA DO AMOR Ola nenas e nenos! Coma onte foi o día do AMOR, para celebralo estivemos a traballar este sentimento xunto con temas tan importantes como o respecto e a amizade. Ademais aprendimos as letras desta palabra: A-M-O-R.   Na aula tiñamos unhas tarxetiñas destas letras e fixemos así:  despois de mirar ben a palabra, misturamos as tarxetas e xogamos a ordenalas Na casa, coa axuda de mamá e papá, podedes facer algo parecido: cortades un folio en catro partes, un maior escribe cada unha das letras nas partes da folla e finalmente deberedes intentar colocalas ben... Seguro que o conseguides!! AMOR  (pinchar aquí para imprimir a ficha) Como facer a fichiña?  1- Escribide o voso nome no rectángulo inferior 2- Copiade nos cadrados as letras da palabra AMOR 3- Decorade o corazón (podedes colorealo, pintalo con pincel, pegarlle cachiños de papel... o que queirades!)
Ler máis

IOGA

Imaxe
  IOGA Hoxe toca facer un pouco de exercicio relaxado, así que vos deixo un vídeo onde nos ensinan algunhas posturas de Ioga para nenas e nenos.  Se o practicades en familia seguro que disfrutades moitísimo máis!! Xa que o vídeo titúlase "El cuento de las mariposas", que vos parece se facedes unha bolboreta? Podedes utilizar cousiñas que teñades pola casa (rollo de papel hixiénico, pinzas, cartolinas, cartón, rotus...) Aquí abaixo tedes varias ideas que vos poden inspirar... RECORDADE QUE VOS QUEREMOS MOITÍSIMO!!! 😍😍😍
Ler máis